Orxanların mübarizəsi

Rusiyada Yeqor Şerbakovun qətlinə görə həbs edilmiş Orxan Zeynalovu artıq hamınız tanıyırsınız. Hadisəyə şərh verməyəcəm. Kişinin başına iş gələr. Ancaq bizimkilərin ilkin reaksiyası gözlərimi açdı. Anladım ki, bizdə nə millətçilik var, nə milli heysiyyat. Erməni düşmənçiliyi söhbəti var. 20 ildir atıblar ağzımıza. Qır kimi çeynəyirik.

Tüllablar peyda olub ki, internetdə Roma papasından daha katolik olmağa can atırlar. Ruslar qarşısında fərqli görünmək naminə sosial ədalətsizliyin qurbanı olmuş bir gənci linç edirlər. Rusun öz əxlaqına rəva görmədiyi təhqiri həmyerlisi adına geninə-boluna yazırlar. Guya Orxan Zeynalovun əməlinə görə Rusiyada 2 milyon azərbaycanlı əziyyət çəkəcəkmiş. Belələrinin mənim üçün tək adı var. Cındır. 

Bu o cındırlardır ki, müxalifət camaatın vəziyyətinin düzəlməsi üçün aksiya keçirəndə bəhanələri "camaatın balasını aparıb qırğına verirlər" olur. Bu o cındırlardır ki, adicə JEK-lə şəxsi problemi həll etməyə qorxub 50 yerə anonim zəng edirlər. Bəli, bu cındırların özünütəsdiqi yıxılana balta vurmaqdan keçir. 

Bəs ruslar həbs barədə nə düşünür? Orxan Zeynalovun OMON tərəfindən tərəfindən döyülməsi və vertolyotla nazir qarşısına gətirilmə videosu altından ironiya dolu şərhlər yazırlar. Üç-beş məktəblinin şərhini çıxmaq şərtilə qəzəb hədəfi öz hökümətləri idi. Əksəriyyət həbsi "pokazuxa" sayır.  Lazımsız çömçə kimi ortaya düşən azərilərə isə Mirzə Cəlil yüz il öncə yaxşı ad qoyub. "Meymunlar".

Bir qism də var ki, Orxan Zeynalovun hərəkətindən, rus dilini pis bilməsindən utandığını deyir. Gözlərinin içinə kimi yalan deyirlər. Yatan adamı baltalayandan qəhrəman düzəldən xalqın Orxan Zeynalovun hərəkətindən utanması saxtakarlıqdır. 

Orxanın rus dilini pis bilməsindən utananlar nə veriblər ki, nə də tələb edirlər? Bəlkə yediyiniz qrantdan ona treninq keçmisiz? Pulsuz dil kursu təşkil etmisiz? Bu adam Rusiyaya əliboş getməyib. Manqurt yetişdirməyə hesablanmış Heydər Əliyev təhsilini aparıb. Yaşıdım olan bu gənclə eyni savadsızlığı paylaşmamağımın səbəbi zamanında Əliyev təhsil sistemindən uzaqlaşmağım olub.

Fəhləçilik üçün xaricə gedən işçi qüvvəsinin getdiyi ölkədə gettolaşması adi haldır. 40 il öncə Almaniyaya gedən türklər var ki, getdiyi yerdə ancaq türklərin ətrafında yaşayıb və almanca bilmir. Amma heç bir türkdən bu utancı paylaşdığını eşitməmişəm. Əksinə Merkeldən öz dillərində məktəb tələb edirlər. Hər gün Əliyev rejimi tərəfindən fahişə kimi zorlanan amma səsi çıxmayan azərilərin Orxandan utanc duyması bir o qədər əcaibdir.

Deyək burda kimsənin vecinə deyil. Bəs Rusiyada? Məsələ ondadır ki, Rusiayda Azərbaycan dövlətinin varlığı deyilən şey yoxdur. 2 milyon adamın taleyini əvvəl bir alkaşa tapşırmışdılar. İndi də manısa. Səfirlik, diaspora, qaqulik tələbə yığınının tək missiyası var. Leyla Əliyevanın Moskvadakı qlamur imicini təmin etmək.

Nə Azərbaycan hökümətinin, nə onlara qulluq edən cındır gədələrin, lap o milyarderlərin bazar fəhləsi azərbaycanlılardan mədəniyyət tələb etmək haqqı yoxdur. Nə zaman öz hesablarına Ermitaja ekskursiya təşkil ediblər? Yaxud qəzetə, kitaba abunə yazdırıblar?

Şəxsən mənim üçün bazar azərbaycanlıları iqtidarı Avropada təmsil edən hakimiyyətyönlü gənclərdən görə qat-qat üstün insanlardır. Bazarda bir tikə çörək qazanan Orxan kimilərin üstünə Qarabağ həqiqətlərini çatdırmaq, ingiliscə yaltaqlanmaq, xarici demokratları susdurmaq kimi missiyalar qoyulmayıb. Ya mədəni səviyyələri, çoxmu fərqlidir? 

Yadınıza gələr. 6 ay öncə Roma şəhərində hakimiyyəti dəsətəkləyən tələbələrin, ASAİF-in forumu keçirilirdi. Zalda konset gedərkən bir dəstə vəhşi səhnəyə hücum edərək ordaca yallı getməyə başladı. Avropa sivilizasiyasının beşiyi Romanı palatka toyu ilə səhv salan bu mağara adamları Orxanlardan çox aşağıdır. Çünki Orxanlar bunlar kimi saxta, məddah yetişmir. Haqsızlığa uğradısa bıçaq zərbəsi hesabına şərəflərini qoruyarlar.

Millətin faciəsi ondadır ki, onun idarəçiləri dünənki alverçilər, qapanda kartof çəkənlərdir. Onlar Orxanların vəziyyətindən utanc duymaz. İnsan olmağın tək meyyarını kimin pulunun çox olması ilə ölçərlər.

Orxan Zeynalovun timsalında deyə bilərəm ki, proletariatın alnından axan tərdən başqa utanacağı heç nə yoxdur. O ürəyə saplanan bıçaqlar daha inamla vurulmalıdır. Qanuna riayət edən rus vətəndaşlara yox. Gözü qan görən, özündən başqa etnosları insan saymayan tör-töküntüyə. İstər burda, istər orda yaşayanlar bilməlidir ki, Rusiyada əbədi səadət yoxdur, Orxanların həyat uğrunda mübarizəsi var.