Xədicəfillər mənim dostumdur

Son iki ildə 1 may Əmək gününə yaxud Fəhlə bayramına bloq yazısı həsr etmişdim. 2011, 2012. Bu il yazmayacaqdım. Təkrarçılıq etməyə həvəs yox idi. Ancaq solçuların keçirdiyi 1 may aksiyası, ardınca anti-solçuların aksiyadan fotoya verdikləri reaksiyaya səssiz qala bilmədim. 

Aksiyada xeyli üz güldürən kadr olsa da, "Xədicə, Xədicə, hanı nəticə?" transparantı xədicəsevərləri özündən çıxarıb. Bəs, solçular jurnalistikamızın anası Xədicəni təhqir ediblər. Yanlış anlamayın. Mənim də Xədicə adında xanım dostlarım var. Və mən onları insan kimi çox sevirəm. Amma bu bu xədicəsevərlərin diaqnozu fərqlidir. Onlar üçün bir Xədicə var. Azadlıq radisounun jurnalisti Xədicə İsmayılova.

Məhlə uşaqlarının sözü olmasın, "Ay brat, axı nə dəxli?" Transparantda Xədicə, Xədicə yazılıb. Xədicə İsmayılova yazılmayıb ki. Qırmızı parçaya sifəti vurulmayıbki. 

Aksiyada hakimiyyəti qıcıqlandıracaq şüarların olmayacağı qabaqcadan bəlli idi. Vəziyyətdən üstün çıxmaq üçün bu şüarı yazıblar. Deyim ki, yumor tutub. İlhamı yaxşı dolayıblar. İlham Əliyevin "H" demək problemini nəzərə alsaq, türkcə Hatice ilə başlayan şüarı Xədicə kimi yazıb nəticə istəyiblər. Siyasi mesaj Ezop dilində çatdırılsa da, incə yumor hissinə görə bravo gənclər!

Gəl indi bunu anti-solçulara başa sal. Onların gözü hər yerdə Xədicə İsmayılovanı görür. Xədicə deyən haqdır, Xədicə sevməyən münafiq. Bu xədicəsevərlik deyil, xəstəlikdir. Kimliyindən asılı olmayaraq tipik xəstəlikdən əziyyət çəkənlərə elmi ad verdim - Xədicəfil. Bundan daha münasibi çətin tapılar.

Yekun olaraq xədicəfillərə bir neçə sualım var:

1.Xədicə İsmayılova haqda bir-iki zarafatı təhqir sayıb özünü cıranlar; nə üçün 2012-ci il 17 martda cəbhəçi gəncin rokçu Camal Əlinin söyüşünə etirazını qamçıladız?

2.Xədicə İsmayılova ilə bağlı tənqidləri şəxsi həyata müdaxilə sayanlar; Musa və Təranə qalmaqalı Azadlıq radiosunda müzakirəyə çıxarılınca nə üçün içinizə soxduz?

3.Transparantı təhqir sayanlar Xədicə adının qarşısına həzrəti (Hz.) ünvanı qoymaq arzunuz varmı? İşdi bilmək olmaz. Sabah bəlkə dindarlarla davaya çıxdız.