Madyanların inqilabı

9 dekabr Maydan hadisələri Kievdə Leninin heykəlinin məhv edilməsilə yadda qaldı. Maydan hadisələrinin ardıcıllığı mənə nədənsə Meydan hərəkatını çox xatırladır. Meydana gətirilən tonlarla ərzaq, kütlənin orda qalması üçün tökülən pullar, təsadüfi meydan liderləri və sökülən Lenin heykəli. 

Meydan hərəkatında edilənlərin son məqsədi o olmuşdu ki, Heydər ibn Əlirza qəhrəman kimi taxt-tacına otura bilsin. Kim deyirsə ki, biz Lenin meydanında Azərbaycanın müstəqilliyi uğrunda mübarizə aparırdıq, qələt edir. O vaxt Kremldən Azərbaycanın birdəfəlik ayrılmasını heç kəs tələb etmirdi. Bəs nə istəyirdilər?

Ermənilər Qarabağın Ermənistana birləşdirilməsini, bizimkilər bizdə qalmasını. Topxanadakı qotur ağacların xilasını. Sumqayıtda ekoloji böhranın ləğvini. Üç-beş partkom yoldaşın istefasını. SSRİ-dən qeyd-şərtsiz müstəqillik tələb edən ancaq Pribaltika respublikaları idi. Bizim müstəqillik bir akta bağlandı. O da Rusiyanın SSRİ-nin tərkibindən çıxmasını elan etməsindən 3 ay sonra.

Kievdə Lenin heykəlinə edilənləri vandallıq aktı kimi qınamağı qoyuram bir qırağa. Reaksiyalardan danışacam. Yadınıza gələr 2001-ci ildə Taliban Əfqanıstanda Budda heykəllərini partlatmağa hazırlaşırdı. Qərb mediası dəymişdi bir-birinə. O Əfqanıstan ki, 12 il dünyanın yadından çıxmışdı. Əhalisi aclıqdan, xəstəlikdən. yollara döşənmiş minalardan qırılırdı. Ancaq Avropanın göbəyində uçurdulan heykələ reaksiya gəlmədi. Deyim ki, bir az da sevindilər.

Bizdə də sevinən az olmadı. Aktivisti, demokratı, liberalı, pedarastı və s. Deyəcəklər ki, Lenin diktaturanın simvolu idi. Sökülməli idi. Deyəcəm sökürdüsə, demokrat Yuşenko sökərdi. O niyə sökmədi?

Lenin Yanukoviçin ata-babası deyildi ki, İlham Əliyev, Bəşər Əsəd kimi xalqın puluna heykəl qoysun. Qolodomor qurbanlarının heyfini almaq istəyən gərək Stalin heykəlinin axtarışına çıxsın. 

Şəxsən mən Talibanın hərəkətini başa düşə bilərəm. Onlar müsəlman kimi düşünür. İnandığı Allah əmr edir ki, bütləri yerlə-yeksan etsin. Budda heykəli bina deyil ki, məscidə çevirsinlər. Tanrı da deyil. Tarixi şəxsiyyətdir. Lenin kimi. Əsl adı Qautamadır. Fikir adamı olub. Lenin kimi. Milyonların qəbul etdiyi yeni ideologiya gətirib. Lenin kimi. Gözü ancaq qan görənlər üçün də misal var. Myanma və buddistlər tərəfindən müsəlmanların qətli. Taliban inancına uyğun bütləşdirilmiş şəxsiyyəti məhv edir. Bəs demokratlara nə deməli?

Avropa mənə xoşu gəlməyən qonşusunun etdiyinə görə hay-küy qaldıran, ancaq öz qızının eybinə susan qancıq arvadı xatırladır. Hay-küyü var. Bacardığı yox. Bilirsiz bizim iqtidar niyə bu qədər hakimiyyətdədir? Onlar Qərbi müxalifətdən yaxşı tanıyırlar. Avropa qəzetlərində çıxan bir tənqidi məqalədən ekstaza gələn müxalifətdən fərqli olaraq, hakimiyyət Qərbin dəyişiklik naminə konkret heç bir addım atmayacağını bilir.

Bunu Yanukoviç də bilir. Elçibəy kimi Kələki axtarmadığı müddətdə bu qancıq arvadın işi ancaq hay-küy salmaq olacaq. Öz qızı Kiev vandallarının əməlinə susacaq. Lenin heykəlinin məhv edilməsinə hansısa diktatura ilə mübarizə donu geydirmək olardı. 2 il əvvəl Odessada "bəzədilən" Puşkin heykəli olmasaydı. Puşkin qədim Kiev başda olmaqla Ukrayna şəhərlərini ucaltmaqdan başqa xaxollara pislik etməyib. "Baxçasaray fontanı" şeri çox şey deyir. Hər iki heykələ nifrətin tək məntiqli səbəbi var - şovinizm. Dünən Odessada rus nifrəti püskürən madyanlar bugün Kievdə Lenin sökür.

Maydan Meydana çox bənzəyir. Bizim Meydan da madyanlardan xali deyildi. Vaxtilə SSRİ-nin ən böyük fəhlə hərəkatı olan Meydan hərəkatının siması bozqurd işarəsi ilə murdarlandı. Bir neçə ilə öncə İlham Əliyev aktiv şəkildə SSRİ dövrünün simvollarını sökürdü. 26 Bakı Komissarları abidəsi, Nərimanov heykəli, və s. Madyan demokratlarımız  utanmasaydılar, buna görə İlham Əliyevə təşəkkür edərdilər.

Siyasi-mədəni tələbi Rəsulzadəyə heykəl ucaltmaqdan o tərəfə getməyən bu anqurtlar anlamadılar ki, məqsəd sovet deyil. Azərbaycan tarixini 1969-da sıfırlamaqdır. Elə indinin özündə mifik quldur Koroğlunu Məşədi Əzizbəyova tərcih edir bizim madyan demokratlar. 

Günün biri bu xalq Heydər heykəllərini yerlərdə sürüyəcək. Çünki onlar göz yaşları üzərində ucaldılıb. Ancaq dəyişiklik olduğu halda şəhər mərkəzində M.Ə.Rəsulzadənin heykəlinin ucaldılmasına qarşı çıxanların sırasında ilk mən olacam. Madyanlara gerçək demokrat olmadıqlarını anlatmaq üçün.