Başlanğıc...

Paz-zollayaninin köşəsi

воскресенье, 20 января 2013 г.

Mandaloşka tələsi


Bir şey diqqətinizdən qaçmış olmaz. Nə zamanki ANS cəmiyyət arasında nüfuzdan düşür, o dəqiqə kimsə kanaldan zəng eləyir müxalifətə. İkinci, üçüncü dərəcəli funksionerləri efirə dəvət edib ictimaiyyətdə "ANS müxalifətə yer verdi", "yenə də kanallardan ANS" kimi sadəlöhv düşüncəni bərpa edirlər. Sonra 5-6 ay fasilə. Təbii ki, bu kanalda AXCP, Müsavat liderlərini heç vaxt görə bilməzsiniz.

ANS-in nə mal olduğunu, haranın diktəsi ilə danışdığını məndən yaxşı bilirsiniz. Sonuncu dəfə "tryapka" vəziyyətinə əsgər Ceyhun Qubatovun ölümü zamanı düşdülər. Döyülərək öldürülmüş əsgər anası zəng edib çağıranda "Müdafiə Nazirliyi tapşırsa, gələcəyik" demişdilər.

Vəziyyəti müxalifət xilas etdi. Facebookda anons yayıldı ki, ayın 17-i "Açıq söhbət"də AXCP müavini Nurəddin Məmmədli, Müsavatdan Gülağa Aslanlı iştirak edəcək. Anonsu görüb "müxalifət hələ də ağıllanmadımı" şərhi yazdım. Yarım saatlıq efir vaxtı qonaqların fikrini deməsinə, müxalifətin iqtidarı ifşa etməsinə şərait yaratsaydı, yenə deyərdim cəhənnəmə.

Bu dərəcə əclafcasına yazılmış senariyə hələ rast gəlməmişdim. Proqram müxalifətə yer verməkdən çox, həm də onu vurmağa hesablanmışdı.

Əvvala müxalifətdən çağırılanlar hakimiyyəti tənqid etməyə yox, bir-birilərinə opponent olmaq üçün dəvət edilmişdilər. Veriliş başlayan kimi vahid namizəd haqda suallar verilməyə başlanıldı. Tərəflər qızışdı. Bir də baxdım ki, İsa Qəmbəri buraxıblar "rasxoda". Döşüyürlər. Siz ora İsa Qəmbəri tənqid etməyə getmişdiz?

Əlbəttə, heç kəs jurnalisti verdiyi sualların məzmununa görə qınaya bilməz. Amma əclaflığın davamı gəldi. ANS-in öz üzvünün videoçarxı göstərildi. Süjetin tək məzmunu müxalifətin alçaldılması, izləyicilərə "bunlardan heç nə olmayacaq" fikrinin aşılanması idi. Süjet bu cümlə ilə yekunlaşdı: "Müxalif düşərgədə vəziyyət bu dərəcə zarafatcıl və lağlağıdır".

Mirfahişəliyin xüsusiyyəti də ondan ibarətdir ki, tərəflərin fikrini dinləməyə yox, hakimiyyətin sifarişini efirdən diktə etməyə hesablanıb. Veriliş iki tərəfin qırışması ilə davam etsəydi, nə isə. Söz hakimiyyətin namizəd irəli sürüb-sürməməsinə gəlincə, efirə yapçı Mübariz Qurbanlının videoçarxı buraxıldı. Mübariz Qurbanlının nə deyəcəyi əvvəlcədən hamıya aydındır. Amma müsahibədə bu cümləyə diqqət yetirin: "Sizin verilişinizdə belə bir iddia qoyuldu ki..."

Bir dəqiqə! Mübariz Qurbanlı hardan bilirdi ki, verdiyi müsahibədən sonra əvvəl belə iddia qoyulacaq? Və niyə o bu haqda keçmiş zamanda danışır? Debat axı gələcək zamanda çəkilir və göstərilir. Yapçı deputat da verilişə onlayn qoşulmamışdı.

Məncə ən avam adam da anlayar ki, verilişin sifarişi ən üst səviyyədə verilib. Tərəflər isə hazır senari əsasında manipulyasiya edilib. Dəvətlər kimlərin daha çox "quş buraxacağı" ehtimalı ilə "yuxarı"dan sifariş verilib. Onlara qarşı kimlərin danışdırılacağı da.

Daha sonra aparıcı Araz Əlizadədən söz salır. Xatırladım ki, Araz Əlizadə nə İctimai Palatada təmsil olunur, nə hakimiyyətdə. Mətbuata çıxan fikirlərinə də ancaq lağlağı demək olar. Mübariz Qurbanlı kimi onun da videoçarxı göstərilir. Araz Əlizadə 1996-cı ildə hansısa treninqdə olmuş gic-gicə əhvalatdan danışır. Guya Nurəddin Məmmədlini alçaldır. Danışılanların isə mövzu ilə əlaqəsi belə yoxdur.

Məlum olur ki, Mübariz Qurbanlı Gülağa Aslanlını, Araz Əlizadə Nurəddin Məmmədlini alçaltmaq üçün danışdırılıb. Ümumlikdə məqsəd birdir. Bacardıqca müxalifəti xalqın gözündə alçaltmaq. Aparıcı verilişi bu sözlərlə yekunlaşdırır: "Böyük ehtimalla İctimai Palata seçkidə vahid koalisiya kimi iştirak edə bilməyəcək". Elə bu an zalda hay-küy qopur. Səs-küyü görən kimi "Bu mənim subyektiv fikrimdir" cavabı gəlir. Nəhayət ki, hansı oyuna gəldiklərini dərk edən Nurəddin Məmmədli gülərək deyir: "Problem ondadır ki, bu öz fikri deyil də. Bu Mərkəzi Komitənin fikridir".

ANS-in efirdən müxalifətə nələr dediyi lampoçkama da deyil. Cəlal Əliyevin zamanında dediyi kimi qədim peşələrini icra edirlər. Məni əsl üzən illərin siyasətçilərinin ac balıq kimi hər dəfə tilova düşməsidir.

Bu o ANS deyildimi 2010 parlament seçkisində qapısını üzünüzə bağladı. Bu o Mirşahin deyildimi Pənah Hüseyni Əfşar Süleymaninin qarşısında nə hala saldı. Dərs olmadımı sizə? Gərək canlı yayımda var-yoxunuzumu söysünlər ki, mandaloşkalara "paşşolt" komandası verəsiz.

Bu arada maraq üçün deyim ki, mandaloşka təkcə birə növü deyil. Jarqon danışıqda həm də fahişə, əl çəkməyən əxlaqsız qadın anlamına gəlir. Akademik Cəlal Əliyevə bu sözünə görə min rəhmət düşür. Unutmayın ki, indi siyasi gündəmi telekanallar yox, internet formalaşdırır. "Azadlıq" qəzetinin çap variantını gündə 6-7 min adam oxuyur. Saytındaki bir xəbəri 200 000 nəfər.

Bir zəngə ayaqlarına cumaraq ilana zəhər verməyin. Hakimiyyət sizləri 24 saat boyu təhqir etsə belə xalqın gözü yenə sizi görəcək. Amma sizlər, mandaloşkalar qarşısında özünüzü alçatdıqca ən yaxşı halda acınma hissi ilə mükafatlanacaqsız.

Комментариев нет:

Отправить комментарий